Rossiyaning Sankt-Peterburg shahrida boks bo‘yicha «Gubernator kubogi» xalqaro turniri bo‘lib o‘tmoqda. Unda ishtirok etayotgan o‘n nafar bokschimizning yetti nafari final bosqichiga yo‘llanma oldi. Uch nafar bokschimiz — Jasurbek Latipov, Iqboljon Xoldorov va Sanjar Tursunov yarim final janglarida mag‘lubiyatga uchrab, bronza medaliga sazovor bo‘ldi. E’tiborlisi, -56 kilogramm vazn toifasida ikki bokschimiz oltin medal uchun ringga ko‘tarilishadi.

Bugun bo‘lib o‘tadigan final janglarida bokschilarimiz quyidagi raqiblarga qarshi jang qiladi:

- 49 kg: Hasanboy Do‘smatov — Bator Sagaluyev (Rossiya);

- 56 kg: Shahobiddin Zoirov — Miraziz Mirzaxalilov (ikkalasi ham O‘zbekiston vakili);

- 60 kg: Shunqor Abdurasulov — Albert Batirgaziyev (Rossiya);

- 75 kg: Isroil Madrimov — Gleb Bakshi (Rossiya);

- 81 kg: Bektemir Meliqo‘ziyev — Georgiy Kushitashvili (Rossiya);

+91kg: Bahodir Jalolov — Vladislav Muravin (Rossiya).

Shahboz SAIDOV