Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2019   
Du Se Cho Pa Ju Sha Ya
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
20.08.2019

АДОЛАТ КОШОНАСИ

Хива тумани маркази ҳисобланмиш Шомахулум қишлоғи кунда бир яшнаяпти. Сабаби, Хива ҳудудий жиҳатдан шаҳар ва туманларга бўлингач, айни шу қишлоқ туман маркази мақомини олди. Ҳозир туман учун зарур маъмурий бинолар қуриш жадаллик билан олиб бориляпти. Энг эътиборлиси, мазкур марказда илк иш бошлаган маъмурий бино жиноят ишлари ва маъмурий ишлар бўйича туман судлари биноси бўлди.

«Хива Чинобод бино сервис» хусусий корхонаси қурувчилари қисқа муддатда 2.8 минг квадрат метр майдонда мазкур замонавий бинони қуриб битказишди. Бунёдкорлик ишлари учун 3 миллиард 830 миллион сўм сарфланди. Судларнинг янги биноси бошқа шу каби бинолардан кескин фарқ қилади. Бу ерда одил судловни амалга ошириш, суд ишларини юритиш, энг муҳими одамлар учун барча шароитлар муҳайё қилинган. Янада ибратли томони шундаки, бу ерда суд жараёнлари ва бошқа тадбирларни видео алоқа режимида ташкил қилиш имконини берувчи замонавий электрон алоқа тизими ўрнатилган.

 Ўтган шанба куни янги бино очилишига бағишланган расмий маросимда вилоят ҳокими Ф.Эрманов, Ўзбекистон Республикаси Олий Суди раиси К.Комилов ҳамда суд тизими фахрийлари сўзга чиқиб, мамлакатимизда суд тизимини ислоҳ қилиш, фуқаролар ҳуқуқларини ҳимоя этиш борасида Президентимиз олиб бораётган сиёсат ҳақида сўз юритдилар. Янги суд биноснинг иш бошлаши ана шу ислоҳотнинг меваси экани қайд қилинди. Бу ишлар судьялар ҳамда суд ходимларининг иш шароитларини тубдан яхшилаш, судлар мустақиллигини таъминлашга қаратилган дадил қадамлар эканлиги эътироф этилди.

 Янги бино нафақат сурати, сийрати билан, балки судьяларнинг адолатли қарорлари билан ҳам гўзал бўлмоғи керак. Янги бино судлар ходимлари зиммасига катта масъулият юклайди, албатта.

Бугун нафақат хиваликлар, балки бутун воҳа аҳли янги бинони аллақачон «Адолат кошонаси» деб атамоқдалар. Амалда ҳам шундай бўлишига ишониб қоламиз.

 

Рўзимбой ҲАСАН,

журналист.


Фикр ва мулохазалар

Защита от автоматических сообщений

Сўнгги янгиликлар: