буюк саркарда, миллатимиз фахру ғурури

Президентимиз Шавкат Мирзиёев Хоразм вилоятига ташрифларидан бирида Урганч шаҳрида Жалолиддин Мангуберди мемориал боғини ташкил этиш кераклигини алоҳида таъкидлаган эди. Бу гал давлатимиз раҳбари томонидан боғ лойиҳаси муҳокама этилиб, мутасаддиларга тегишли топшириқлар берилди.

Жалолиддин Мангуберди халқ қаҳрамони. У она Ватан ҳимояси учун жонини қурбон қилган. Юртимизни босқинчилардан муҳофаза қилишда жасорат ва матонат кўрсатган. Мазкур боғнинг барпо этилиши, маҳобатли ҳайкалнинг ўрнатилиши бу энг аввало бизга ёшларимизни Ватанга муҳаббат руҳида тарбиялаш, уларда мардлик, ёвқурлик туйғуларини уйғотиш имконини беради. Шунингдек, нафақат хоразмликлар балки бутун Ўзбекистон халқи келиб кўрадиган қутлуғ манзилга айланади. Бу маскандан яна озодлик учун курашлар, боболаримиз ибрати ифодаланган тарихий лавҳалар ҳам ўрин олади.

Бу буюк хоразмийлар тарихига бўлган ҳурмат ва эътиборнинг ёрқин наманасидир. Қадим Урганч яна бир қадамжо билан бойийди. Юртимизга ташриф буюраётган туристларни ҳайратини оширадиган боғ мажмуа бутун хоразмликлар фахр-ифтихорига айланишига ишонамиз. Бу манзилда ватанпарварлик дарслари, авлодлар учрашувлари, ватан ҳимоячилари билан мулоқотлар ўтказилади.

Хоразмликлар Президентимизнинг вилоятимизга ҳар бир ташрифи янги ташаббуслар бошланиши, имкониятларнинг кенгайиши, бир сўз билан айтганда, ҳаётни яхши томонга ўзгариши билан тарихий аҳамиятга эгалигини яхши билишади. Бу гал ҳам шундай бўлди. Бу ташаббуслар яқин келажакда ўз мевасини беради, албатта.

Йўлдошбой ҚУРБОНБОЕВ,

Ҳазорасп тумани Питнак шаҳридаги 17-ўрта мактаб ўқитувчиси, ЎзХДП фаоли.