12.03.2013

МАҲАЛЛАДА МЕҲНАТ ЯРМАРКАСИ

Пойтахтимизнинг Шайхонтоҳур тума­нидаги «Илғор» маҳалласида меҳнат яр­маркаси бўлиб ўтди. Тумандаги ўнга яқин корхона, ташкилот ва муассаса бўш иш ўринларини таклиф этди.

Бугун туманда қирқ тўққиз маҳалла ва тўққизта касбунар коллежи фаолият юритмоқда. Аҳоли ва коллеж битирувчилари бандлигини таъминлашда бўш иш ўринлари ярмаркалари муҳим омил бўлаётир.

Олти минг нафардан зиёд аҳоли истиқомат қиладиган «Илғор» маҳалласида кейинги йилларда бир қатор янги тикувчилик корхоналари ва маиший хизмат кўрсатиш тармоқлари ишга туширилди. Ўнга яқин оилавий тадбиркорлик субъекти аҳолига турли йўналишда хизмат кўрсатмоқда.

Меҳнат ярмаркасида туманимиздаги 1-шаҳар шифохонасига ишлаш учун йўлланма олдим, — дейди Шайхонтоҳур тиббиёт коллежи ўқувчиси Мафтуна ­Набиева. — Келгусида ўз билим ва тажрибамни янада бойитиб, олий ўқув юртига ўқишга кириш, етук шифокор бўлишни мақсад қилганман.

Бундай ярмаркалар туманнинг бошқа маҳаллаларида ҳам бўлиб ўтмоқда.

Б.ХИДИРОВА,

ЎзА мухбири.


Фикр ва мулохазалар

Защита от автоматических сообщений

Сўнгги янгиликлар: