12.02.2013

АҲОЛИ ФАРОВОНЛИГИНИ ОШИРИШ – МУҲИМ ВАЗИФА

Гулистон шаҳрида «Мамлакатимиз тараққиётининг ҳозирги босқичида сенаторлар ва халқ депутатлари маҳаллий кенгашлари депутат-ларининг ҳудудий муаммоларни ҳал қилишдаги роли» мавзуида семинар-тренинг бўлиб ўтди.

Унда Олий Мажлис Сенати аъзолари, вилоят ташкилотлари раҳбарлари, қишлоқ фуқаролар йиғинлари раислари ва фаоллар иштирок этди.

Семинарда Олий Мажлис Сенати раисининг ўринбосари М. Ражабова ва бошқалар халқ депутатлари маҳаллий кенгашлари депутатларининг ҳудудий муаммоларни ҳал қилишдаги ролини ошириш масалаларига алоҳида тўхталди. Маҳаллий кенгашлар ишини янада фаоллаштириш, уларнинг жамиятдаги ролини ошириш, фуқаролар ҳуқуқ ва эркинликларини ҳимоя қилиш, ҳудудларда олиб борилаётган ижтимоий-иқтисодий ислоҳотларни амалга оширишда  депутатларнинг иштирокини кенгайтириш масалалари хусусида сўз юритилди.

Дарҳақиқат, ўтган йили вилоятда амалга оширилган банд­лик, янги иш жойлари барпо этиш, аҳолини ижтимоий қўл­лаб-қуввватлаш борасидаги дастурлар ижросини таъминлашда сенат аъзолари ва халқ депутатлари кенгашлари муҳим аҳамият касб этди. 

Жойларда депутатлар томонидан ташкил этилаётган учрашувлар, давра суҳбатлари, семинар-тренинглар фуқаролар билан жойларда юзма-юз мулоқот қилиш, уларнинг орзу-ўйлари, ташвишларини яқиндан билиш, муаммоларини жойларнинг ўзида ҳал этиш имконини бермоқда.

Семинар-тренингда ­Сирдарё вилояти ҳокими О.Ашурматов сўзга чиқди.

А.МУСТАФОҚУЛОВ,

ЎзА мухбири


Фикр ва мулохазалар

Защита от автоматических сообщений

Сўнгги янгиликлар: