Охирги сонда



Кўп ўқилган мақолалар



Долзарб мавзу



Мақолалар архиви

«    Sentabr 2020   
Du Se Cho Pa Ju Sha Ya
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 1 2 3 4
10.12.2019

Коррупцияга қарши курашдаги янгилик

Ўзбекистон илмий техника ва тиббиёт ҳужжатлари миллий архивида 8 декабрь — Конституциямиз қабул қилинган кун ҳамда 9 декабрь – «Халқаро коррупцияга қарши кураш куни» муносабати билан «Ўзархив»га CERТ International халқаро сертификатлаштириш органи томонидан халқаро ISO 37001:2016 стандарти талаблари асосида коррупцияга карши кураш тизими сертификатини тантанали топшириш маросими бўлиб ўтди. Унда «Ўзархив» агентлиги бош директори ва агентлик марказий аппарати ходимлари, Ўзбекистон миллий архивлари раҳбарлари, CERТ International халқаро сертификатлаштириш органи раҳбар ва мутасадди ходимлари, шунингдек, Ўзбекистон миллий университети тарих факультети ўқитувчилари, талабалари иштирок этди.

Маълумки, Президентимизнинг 2019 йил 27 майдаги «Ўзбекистон Республикасида коррупцияга қарши кураш тизимини янада такомиллаштириш чора-тадбирлари тўғрисида»ги фармони ҳамда 2019-2020 йилларда коррупцияга қарши курашиш давлат дастури қабул қилинганди.

Ушбу Давлат дастурини қўллаб-қувватлаш мақсадида Ўзбекистонда фаолият юритаётган CERТ International халқаро сертификатлаштириш органи ҳам МДҲ мамлакатлари орасида биринчилардан бўлиб, ISO 37001:2016 бўйича халқаро аккредитациядан ўтди. Органнинг халқаро стандартларга мувофиқлик сертификатлари дунёнинг 120 дан ортиқ мамлакатларида тан олинади.

Коррупция ҳар қандай давлат ва жамиятнинг сиёсий-иқтисодий ривожланишига жиддий путур етказади, инсон ҳуқуқ ва эркинликларининг поймол бўлишига асосий сабабчи бўлиб ҳисобланади.

Шу боис унга қарши кураш халқаро аҳамият касб этиб, ҳар бир давлатнинг ички ва кечиктириб бўлмайдиган муҳим вазифалари қаторидан жой олган. Халқаро стандартлаштириш ташкилоти (ISO) ҳам ушбу муаммонинг кенг қўламдаги салбий ҳолатларга олиб келишини инобатга олган ҳолда, унга қарши курашиш усуллари ва тамойиллари асосида Ўзбекистон илмий техника ва тиббиёт ҳужжатлари миллий архивида ISO 37001 «Коррупцияга қарши ҳаракат бошқарув тизими» татбиқ қилинди. Ушбу тадбирда архивга юқоридаги стандарт асосида бошқарувни ташкил қилганлиги тўғрисидаги CERТ International халқаро сертификатлаштириш органи томонидан мувофиқлик сертификати топширилди.

 

Тоштемир ХУДОЙҚУЛОВ,

«Ўзбекистон овози»

мухбири.


Фикр ва мулохазалар

Защита от автоматических сообщений

Сўнгги янгиликлар: