Охирги сонда



Кўп ўқилган мақолалар



Долзарб мавзу



Мақолалар архиви

«    Oktabr 2019   
Du Se Cho Pa Ju Sha Ya
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
21.06.2018

БУГУН РАВШАН ЭРМАТОВ МАЙДОНГА ТУШАДИ

Россияда бўлиб ўтаётган жаҳон чемпионати футбол ишқибозларига кутилмаган натижалар ва қизиқарли ўйинлар улашишда давом этмоқда.

Станислав Черчесов бошчилигидаги Россия терма жамоаси биринчи ўйинда Саудия Арабистони вакилларини 5:0 ҳисобида мағлуб этганида мухлислар ҳар хил фикр билдиришди. Кимдир Россия терма жамоаси тайёргарлигига юқори баҳо берса, кимдир рақиб унча кучли эмаслигини айтди. Россияликлар иккинчи ўйинда Миср терма жамоасини 3:1 ҳисобида мағлубиятга учратгач, фикрлар ўзгара бошлади. Майдон эгаларининг тайёргарлиги ҳам, нияти ҳам баландлигига шубҳа қолмади. Россия терма жамоаси учинчи учрашувини Уругвайга қарши ўтказади.

Япония терма жамоаси гуруҳ босқичининг биринчи ўйинида Колумбияни 2:1 ҳисобида мағлубиятга учратди ва жаҳон чемпионатлари тарихида Жанубий Америка вакилини мағлуб этган дастлабки Осиё жамоаси бўлди. Бугунга қадар бу икки жамоа мундиалларда ўзаро 18 марта тўқнаш келган. Уларнинг 15 тасида осиёликлар мағлуб бўлишган ва 3 марта дуранг қайд этилган.

Бугун гуруҳ босқичининг навбатдаги ўйинлари давом этади. Соат 17:00 Дания — Австралия, 20:00 Франция — Перу ва 23:00 Аргентина — Хорватия учрашувлари бўлиб ўтади.

Ўзбекистонлик футбол ишқибозлари эътибори Аргентина — Хорватия ўйинига қаратилиши табиий. Чунки бу учрашувни ҳамюртимиз Равшан Эрматов бошқаради. Бош ҳакамга ҳамюртларимиз Абдуҳамидулло Расулов ва Жаҳонгир Саидов ёрдам беради. Уйин Нижний Новгород шаҳридаги стадионда бўлиб ўтади.

Эртага ҳам футбол ишқибозларини қизиқарли учрашувлар кутиб турибди. 17:00 да Бразилия — Коста-Рика учрашуви бошланади. Аргентина билан дуранг ўйнаган Исландия соат 20:00 да Нигерияга қарши майдонга тушади. 23:00 дан бошлаб Сербия — Швейцария ўйинини кўриш мумкин.

 

Шаҳбоз САИДОВ


Фикр ва мулохазалар

Защита от автоматических сообщений

Сўнгги янгиликлар: