| « Yanvar 2021 |
| Du | Se | Cho | Pa | Ju | Sha | Ya |
| 28 | 29 | 30 | 31 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
йўлга қўйилди
Самарқанд вилоятида Япония ҳукуматининг «кичик миқёсли ижтимоий лойиҳаларга беғараз ёрдам» дастури доирасида навбатдаги лойиҳанинг очилиш маросими бўлиб ўтди. Унда Япониянинг Ўзбекистондаги фавқулодда ва мухтор элчиси Фумихико Като ҳамда Япония вакиллар палатаси депутати, Япония либерал демократик партияси халқаро алоқалар департаменти директори Кадзунори Танака бошчилигидаги Япония Парламенти миссияси иштирок этди. Бу ҳақда Япониянинг Ўзбекистондаги элчихонаси хабар бермоқда.
Ушбу дастурнинг Ўзбекистондаги фаолияти 1995 йилда бошланган. Ўтган вақт мобайнида юртимиздаги тиббиёт ва таълим муассасалари, маҳаллий ҳокимият органлари ва нодавлат нотижорат ташкилотлар томонидан умумий миқдори 23 миллион АҚШ долларидан зиёд бўлган 352 лойиҳа амалга оширилди.
Лойиҳа доирасида Самарқанд вилояти ногиронларни реабилитация қилиш маркази умумий қиймати 109,500 АҚШ долларига тенг тиббиёт ускуналари билан жиҳозланди.
Самарқанд вилояти ногиронларни реабилитация қилиш марказига физиотерапия муолажалари, жумладан, электротерапия, лазер терапияси, ультратовуш терапияси, магнит терапияси, тракцион терапия ва зарба тўлқинли терапияни ўтказиш имконини берувчи замонавий тиббиёт ускуналари келтирилди.
