фойдаланиш давр талаби

«Ўзбекэнерго» Давлат акциядорлик компанияси томонидан «Истеъмолчиларга электр энергияси етказиб беришда қайта тикланувчан энергия манбаларидан фойдаланишни ривожлантириш, энергия тежашга доир чора-тадбирлар ва эришилган натижалар» мавзусида матбуот анжумани ўтказилди. Унда «Ўзтрансгаз» акциядорлик компанияси ҳамда Ўзбекистон Республикаси Фанлар Академияси Энергетика ва автоматика институтининг масъул ходимлари иштирок этди.

Бугунги кунда мамлакатимизда энергетика соҳасининг ёқилғи-энергетика балансида қайта тикланадиган энергия манбаларидан фойда­ланиш бўйича кенг кўламли чора-тадбирлар амал­га оширилмоқда. Бу борада та­биий газдан фойдаланишни қисқартириш, атроф-муҳитга салбий таъсирини камайтириш учун барча зарур шарт-шароитлар яратилаётир.

— Президентимизнинг 2013 йил 1 мартдаги «Муқобил энергия манбаларини янада ривожлантириш чора-тадбирлари тўғрисида»ги Фармони ҳамда 2013 йил 1 март­даги «Халқаро қуёш энергия­си институтини таш­кил қи­лиш тўғрисида»ги Қарорининг эълон қилиниши мамлакатимизда қайта тикланувчи энер­гия манбаларини ривожлантиришга асос бўлди, — дейди «Ўз­бекэнерго» ДАК раиси ўринбосари Рўзиқул Раимов. — Ушбу фармон ва қарор қай­­та тикланувчи энергия ман­баларининг ҳар-хил турларидан кенг миқёсда фойдаланиш, айниқса, қишлоқ жойла­рида ёки бориш қи­йин бўлган олис ҳудудларда жойлашган объектларнинг энергия билан таъмин­лаш борасидаги қатор муаммоларни ҳал қи­лиш имконини бермоқда.

Шунингдек, компания томо­нидан фармон ва қа­рор ижросини таъминлаш мақсадида бугунги кунда бир қатор иш­лар амалга оширилмоқда. Жумладан, ижтимоий соҳа объектлари, масалан, Фарғо­на ва Наманган шаҳарларидаги Меҳрибонлик уйларига, Андижон шаҳ­ридаги «Кам­қонли болаларни соғломлаштириш уйи»га ком­пания томонидан қуёш энер­гиясидан фойдаланувчи қурилмалар, фотоэлектрик панель ва коллекторлар ўр­натилди.

Бундан ташқари, қишлоқ врачлик пунктларининг электр таъминотини яхшилаш ва иссиқ сув билан таъминлаш мақсадида Хоразм вилоятининг айрим туманларидаги ўнта қишлоқ врачлик пунктларига электр энергияси ишлаб чиқарувчи қуёш мосламалари ўрнатилди. Шунингдек, Сирдарё иссиқлик электр станцияси чорвачилик комплекси суткасига 240 метр куб биогаз ишлаб чиқарувчи қу­рилма билан таъминланди. Хоразм электр тармоқлари корхонаси ва Навоий иссиқлик электр станцияси чорвачилик комплексларига ҳам турли ҳажмдаги биогаз ишлаб чиқарувчи қурилмалар ўрнатиш ишлари бошлаб юбо­рилди.

Бу каби тадбирларнинг амал­га оширилиши натижасида 2015 йилда ёқилғи-энергетика балансини диверсификация қилиш режалаштирилмоқда. Натижада йилига бир миллиарддан ор­тиқ куб метр табиий газ тежалади, электр энергияси ишлаб чиқаришда ёқил­ғи сарфи 13 фоизга, ат­мос­ферага чиқадиган зарар­ли моддалар 10 фоизга ка­маяди.

Анжуманда таъкидландики, компания корхоналарига бириктирилган касб-ҳунар коллежларида муқобил энергия манбалари бў­йича моддий-техник базани мустаҳкамлаш мақсадида компания томонидан қа­тор чора-тадбирлар амалга оширилмоқда. Хусусан, Тошкент иссиқлик электр станциясига бириктирилган Қибрай энергетика касб-ҳу­нар коллежи, Бухоро электр тармоқларига бириктирилган Шофиркон саноат ва ижтимоий-маиший касб-ҳунар коллежи, Тахиатош иссиқлик электр станциясига бириктирилган Тахиатош энергетика касб-ҳунар коллежи, Фарғона ис­сиқлик электр марказига бириктирилган Фарғона саноат коллежида ўқув лабораториялари ташкил қилиниб, фойдаланишга топширилган.

Бир сўз билан айтганда, қуёш, шамол, биогаз каби табиий ресурслар асосида ишлайдиган замонавий технологияларни кенг қўллаш истеъмолчиларни электр энергияси билан узлуксиз таъминлашда муҳим ўрин тутади.

Тадбирда соҳанинг масъул ходимлари томонидан журналистларни қизиқтирган саволларга жавоб берилди.

Тоштемир ХУДОЙҚУЛОВ,

«Ўзбекистон овози» мухбири.