| « Yanvar 2021 |
| Du | Se | Cho | Pa | Ju | Sha | Ya |
| 28 | 29 | 30 | 31 | 1 | 2 | 3 |
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | 31 |
Юртимиз ҳудудларида қад ростлаётган замонавий лойиҳа асосидаги уй-жойларда яшовчиларга қулайликлар яратиш мақсадида маиший ва хизмат кўрсатиш шохобчалари, дорихона, савдо-сотиқ расталари ҳамда озиқ-овқат маҳсулотлари ишлаб чиқаришга мўлжалланган кичик корхоналар ишга туширилмоқда.
Кармана туманининг «Маликработ» қўрғони «Камолот» массивида бунёд этилган нон ва нон маҳсулотлари ишлаб чиқаришга ихтисослашган корхона ҳам аҳолининг узоғини яқин қилиш билан бирга қишлоқдаги ўнлаб ёшларнинг иш билан бандлигини таъминлади. Бир кунда 2 тоннагача унни қайта ишлаш қувватига эга корхонада айни пайтда 8 турдаги нон ва нон маҳсулоти ишлаб чиқарилмоқда.
— Ҳозирда қишлоқ аҳолисига қулайлик яратиш мақсадида корхонамиз негизида ушбу маҳсулотларни сотишга мўлжалланган савдо растаси ҳамда хўжалик моллари дўкони очилди, — дейди «Тараққиёт Кармана» МЧЖ раиси Шуҳрат Наимжонов. — Келажакда фаолиятимизни кенгайтириб, яна 10га яқин иш ўрни ташкил қилишни режалаштирганмиз.
Илҳом САТТОРОВ,
«Ўзбекистон овози» мухбири.
